Globoflexia polo NADAL

Hoxe día 29 os nenos e nenas de Bóveda poideron realizar globoflexia durante dúas horas na Axencia de Lectura Municipal. 32 nenos/as de idades comprendidas entre os 3 e os 14 anos estiveron acompañados polos monitores do centro sociocultural e da empresa Vitae Animación.

Éxito rotundo no Obradoiro de Alfabetización Dixital do Concello de Bóveda

O Obradoiro de "Alfabetización Dixital" que tivo lugar o día 11 de decembro no TELECENTRO do Concello de Bóveda foi todo un éxito, de feito xa estamos pensando en programar algún curso de informática para o ano 2010.
Interesados nas clases de informática para adultos contactar co Concello no 982/426006 ou no Centro Sociocultural no 982/426177

Nadal en saúde

Visita ó Balneario de Ferreira "Augas Santas"

Venres día 18 ás 16:00 h sairá un autocar de diante do Concello

Custo: 7 €

Inclúe: Viaxe de ida e volta, dúas horas de circuíto termal e merenda no Balneario

Apuntarse antes do día 17

982/426006 Delegación de Cultura

CURSO DE ALFABETIZACIÓN DIXITAL

Para os que non sabedes nada de informática nin de internet aínda estades a tempo

VENRES 11 ÁS 16:30 h

TELECENTRO DO CONCELLO

16 PRAZAS

GRATUÍTO

PROGRAMACIÓN DE NADAL 2009

Ola, un ano máis temos o pracer de presentarvos a programación de Nadal, este ano dende este Blog que dende pouco máis dun mes vai contaros as andanzas deste pequeno Municipio do interior rural de Galicia, resalto o de interior rural para facer ver que o rural tamén existe, ten vida,-¡ polo menos de momento! e ten nenos, nenas, xente moza (pouca), de mediana idade e anciáns dispostos a gozar da súa vida en plenitude. Así que para mostra, a programación de Nadal, -¡que non está mal para unha vila de apenas 1. 600 habitantes!.

• SÁBADO DÍA 12 TEATRO, o grupo de teatro "Nova Escea" realizará a obra titulada "Pensión 13" ás 20:00 h /Centro sociocultural.
• MARTES DÍA 15 POESIA "VENTOS" con Mela Casal /ás 17:00 h Axencia de Lectura Municipal.
• VENRES DÍA 18 MAXIA CONTRA CIENCIA ÁS 12:00 h /Colexio Rosalía de Castro.
• VENRES DÍA 18 VIAXE Ó BALNEARIO DE FERREIRA"Augas Santas"- 7 € inclúe: ida e volta, circuíto termal de dúas horas de duración e merenda. Prazas limitadas. Inscrición no Concello ata o día 17. Saída ás 16:00 h diante do Concello.
• SÁBADO DÍA 19 VISITA A FERREIRA saída ás 18:00 h /Centro Sociocultural participación dos nenos/as de Música nun certame de panxoliñas.
• SÁBADO DÍA 19 ACTUACIÓN DO MAGO RAFA/Centro Sociocultural ás 20:00 h
• LUNS DÍA 21 - CANTAR OS REIS/17:00 h /Centro Sociocultural/Chocolatada ás 19:00 h no Chamouco.
• MARTES DíA 22- Beléns con material de refugallo/Axencia de Lectura ás 17:00 h
• MÉRCORES DÍA 23-CONCERTO-Recital de poesía con MÚSICA BARROCA/Axencia de Lectura ás 17:00 h
• MÉRCORES DÍA 23 -VISITA DE PAPA NÖEL/Axencia de Lectura ás 18:00 h
• SÁBADO DÍA 26-ACTUACIÓN DO MAGO CARLOS de Rubián/Centro Sociocultural ás 20:00 h
• LUNS DÍA 28-OBRADOIRO DE GLOBOFLEXIA (Maiores de 6 anos), GOMA EVA (pequenos)/Axencia de Lectura ás 17:00 h
• MARTES DÍA 29-OBRADOIRO DE GOMA EVA (Maiores de 6 anos), ADORNOS DE NADAL (pequenos)
• MÉRCORES DÍA 30- INCHABLES TERRESTRES/Pavillón Polideportivo ás 17:00 h

XANEIRO DÍA 5

• CABALGATA DE REIS ÁS 16:30 h
• Actuación do Grupo de Danza Municipal e da Banda de Gaitas.
• Panxoliñas dos nenos/as de música.
• ACTUACIÓN DO MAGO PABLO 17:00 h
• Entrega dos agasallos ós nenos/as no Centro Sociocultural

(Este programa pode estar suxeito a cambios polo tempo.)